...

Archiwum

Nima to jak się dogodać

 

Nima to jak sie dogodać

 

Mari, godała z bratym przez telefon                                              

zdj. z int.

I godo mu:

– wjysz łodwiedziłach dzisioj Matka.

Jakech jechała na kole to  spadła mi keta.

Dobrze żech to przyuważyła i dźwigła,

bo trza byłoby kupić nowo. Jak bydziesz

u mje, to mi ją naprawisz, dobra?

No, to do jutra, z Bogiym.

 

Na drugi dziyń brat Alojz,  popołedniu

przyjyżdżo do siostry. Wito sie.

Wyciągo zawiniątko w papiurze i godo:

– niy byda sie bawił w naprawianie.

Kupiłech ci nowo keta. Ty rob kawa,

a jo gibko sie uwina z tym. Kaj mosz klucz do garażu?

 

Mari na niego wejrzała i parskła śmjychym.

Ale my sie dogodali… śmioła się i z szuflody szranku

wyciagła korale, bo wichajster się łoderwoł.

Jak rychtowała kawa to sie jeszcze łoba śmioli,

bo łon myśloł, że ta keta to łot koła…..

 

&   keta to naszyjnik, łańcuszek, korale, ale ma i też znaczenie inne łańcuch do roweru

      a wichajster to zapinka do kety

 

0 Komentarze

Odpowiedz

3 × 4 =